Никон ja претстави Z9, нова камера со FX сензор од 45,7 мегапиксели, нов EXPEED 7 процесор за обработка на сликата, 8K видео со зголемени лимити за снимање и целосно елиминирање на механичката бленда.

Новата водечка камера го нуди најнапредниот систем за автоматско фокусирање на Nikon, со нов систем за откривање сцени кој е изграден на технологија за “длабоко учење”, која исто така може да одржува брзи непрекинати “рафали” на фотографирање и е способна за снимање видео со 8K резолуција.. Компанијата, исто така, вели дека новиот Z9 има брзина на скенирање на сензорот што е толку брза што целосно ја елиминира потребата за традиционална механичка бленда, и затоа Z9 нема таква.

Камерата има цврсто тело кое е дизајнирано за професионален работен тек со интегриран вертикален држач и контроли и конструкција од легура на магнезиум, со дизајн отпорен на капки и прашина сличен на Nikon D6, но со 20% помало тело. Овој дизајн вклучува двојна обвивка на оптичкиот филтер кој има електро-спроводлива и флуорна обвивка за одбивање на прашината пред сензорот, покрај сензорскиот штит што го штити при менување леќи.

Со овој нов систем доаѓа и нов LCD екран на допир со четири оски од 3,2 инчи кој им дава можност на фотографите да го навалуваат мониторот и хоризонтално и вертикално, т.е екранот да може да се ориентира врз основа на положбата на камерата. Визирот е подобрен за да има осветлен Quad-VGA панел прилагодлив на 3000cd/m2 (nits) за подобра видливост при фотографирање во светли ситуации.

Компанијата вели дека системот на Z9 за стабилизација на слика е подобрен со нов Synchro VR кој овозможува компензација на тресење до шест стопови на светлина (кога се користи во тандем со компатибилни објективи) и има безбедносна брава за VR за заштита на сензорот од оштетување предизвикано од „ненамерно движење“ кога камерата е исклучена и во транзит, во тешки услови.

Новиот процесор EXPEED 7 е најмоќниот процесор на Nikon досега, со брзини приближно 10 пати поголеми отколку што е способен на Z7 II и напојува сензор со она што Nikon го нарекува најбрза стапка на скенирање слики во светот, овозможувајќи неверојатно мала количина на изобличување на завесата. Според компанијата, може да избегне изобличување дури и кога снима со 1/32.000 од секундата – за што е способен. Сензорот нуди природен опсег на ISO од 64 до 24.600 (Може да се прошири од 32 до 102.400). Z9 исто така може да се синхронизира со блиц до 1/250 секунда и до 1/8000 со овозможена синхронизација со голема брзина (HSS).

„Никон“ тврди дека системот за автоматско фокусирање што се наоѓа во предводникот Z9 е најинтелигентниот систем за AF што компанијата некогаш го изградила. Ги има најбрзите перформанси за следење досега за Nikon, со користење на нов алгоритам за откривање субјект кој може да се идентификува и следи. Може да следи девет типови на предмети вклучувајќи: луѓе, миленичиња, птици, авиони, возови, автомобили, мотори и велосипеди. Кога фотографирате во режимот за автоматско фокусирање (Point Focus), кој било од овие предмети што се наоѓаат во точката на фокус, автоматски ќе ги открие и ќе се фокусира на него, без да мора рачно да ги прилагодувате или менувате поставките. Други подобрувања на автоматскиот фокус вклучуваат подобрен систем за автофкоус на очите што ги следи очите на субјектот од подалеку и може да ја смени бојата на индикаторот во зелена за да потврди дека целта е во фокус.

Системот за автоматско фокусирање Z9 може да врши брзи и прецизни пресметки до 120 окидаи во секунда, дури и кога фотографирате набрзина (Fast FPS).

Nikon, исто така, го донесе своето 3D-следење на Z9, кое е поврзано со поставката за следење на субјектот, за следење на брзо и непредвидливо движечки објекти, како што е тркачки автомобил. Во ситуации со слаба осветленост, Z9 има нов режим на „ѕвездена светлина“ што ја подобрува способноста за фокусирање до -8,5 EV, наводно олеснувајќи им на астрофотографите или фотографите на настани многу да ги менуваат поставките и да постигнат правилен фокус во мракот.

Системот Z9 е способен да снима 20 фрејмови во секунда (FPS) во RAW со бафер од над 1.000 слики. Системот може да постигне 30 фрејмови во секунда кога е префрлен во режим JPEG со целосна резолуција, а ако е потребен случај на екстремна брзина, камерата има режим на снимање кадри со голема брзина, способен за 120 фрејмови во секунда со целосен AF/AE на 11- мегапиксели, за кои Никон вели дека го прави способен да фати движење побрзо отколку што може да види човечкото око.

Z9 нуди и широк пакет напредни видео функции кои вклучуваат снимање на 8K UHD 24p/30p и 4K UHD 24p/30p/60p/120p (FX-формат). Компанијата вели дека системот е способен да снима 8K 30p повеќе од два часа последователно (125 минути), што е повеќе од потребно за речиси секое сценарио за снимање. 10-битни N-Log и HLG (Hybrid Log-Gamma) се достапни во камерата, како и поддршка за повеќе кодеци, вклучувајќи H.265 (HEVC), ProRes 422 HQ10 и H.264/MPEG-4 AVC за да може да се приспособат различни производствени работни текови. Никон вели дека бесплатна надградба на фирмверот ќе биде објавена во 2022 година што ќе овозможи внатрешно снимање 8K 60p во нов 12-битен N-raw високо-ефикасен видео формат, 12-битен ProRes RAW, како и некои дополнителни нови функции за видео на професионално ниво .

Подолу се дадени неколку примероци на слики снимени со Z9, обезбедени од Nikon:

Извор: https://petapixel.com/