Покрај новиот Samsung Galaxy S20 исто така ќе бидат претставени новите бежични Buds слушалки на Samsung и новиот Galaxy Z Flip.
Новиот “Unpacked” настан на Samsung ќе се одржи на 11ти февруари во 20 часот каде што ќе бидат претставени новите производи на Samsung и како и секогаш, постои шанса оваа компанија да нé изненади и со нешто друго.
Samsung Galaxy S20
Сите гласини оваа година сугерираат дека ќе има три главни верзии на овој смартфон од Samsung, нешто помалку од претходнте четири што ги видовме минатата година. Тука е обичниот Galaxy S20, поголемиот Galaxy S20 Plus и Premium S20 Ultra, кој се чини дека го замениува Galaxy S10 5G од минатата година. И да, ова значи дека Samsung го прескокнува S11 и прескокнува директно од S10 сериите на новите S20.
Карактеристики:
Прво е поддршката на новата 5G технологија. Иако Samsung минатата година објави 5G верзија на S10, оваа година, стандардот за мрежно поврзување најверојатно ќе биде достапен во поголемиот дел од мрежата – барем во САД. Ова го знаеме затоа што телефоните се очекува да го користат чипсетот Qualcomm Snapdragon 865, кој е дизајниран да се спари со 5G модемот поради неопходност. Во меѓувреме, на меѓународните пазари, Samsung ќе го користи својот Exynos 990 процесор, кој доаѓа и со 4G и 5G модеми.
Потоа, тука е новиот екран на S20 за кој што се вели дека ќе има дисплеј од 120Hz. Досега, гласините исто така велат дека високата стапка на освежување ќе биде достапна само кога софтверот е поставен на резолуција од 1080p, што значи дека ќе бидете ограничени на 60Hz ако сакате да го поставите вашиот телефон на 1440p.
И за крај, тука се и камерите за кои годинава се чини дека се опфатени во рамки на правоаголна камера. Очигледно овој смартфон ќе има низа од четири камери од кои главната ќе биде 12 мегапиксели, телефото од 64 мегапиксели, 12 мегапиксели ултра-широка камера и 3D time-of-flight сензор. Наводно, кај стандардниот S20 ќе биде испуштен ToF сензорот.
